傳承廣東糖水文化 唔止好食仲要有益

「香港後生嗰輩，一係飲珍珠奶茶，貴嘅就去到日式嗰啲甜品，佢哋覺得中式糖水好老套、唔合潮流。」杏香園第二代傳人王正綱感概道。

澳門杏香園由王正綱的父親，王英傑先生，於1965年創立。半世紀以來一直堅持宗旨，出品的糖水不但好味，而且對人有益。「糖水本身食唔飽肚，喺當年澳門經濟環境唔係太好，糖水係有錢有閒嘅人先會食。有錢人最重要係乜嘢呢？第一，你唔好食壞佢先，即係屬於養生、有益；第二先係好味。唔符合呢兩樣嘢，就唔係一種高檔嘅糖水。」

王正綱（右）經常走入廚房，親自試食糖水，確保品質符合要求。

王正綱年輕時來到香港讀書，畢業後沒有回澳門，反而到油公司雪佛龍工作，直至近年母親年老退休，才接手家族生意，並於機緣巧合下，在2016年將杏香園帶來香港，在九龍城開設分店。「我哋初初嚟到，有啲客問：『咦杏香園？喂你係咪澳門嗰間。』因為好多時你有同一個名，但係同澳門唔一樣都有。所以我哋啲menu都抄返澳門嗰張一模一張，等人有個感覺係一樣咁解囉。」

結合老師傅的煮法，與父親的手寫筆記，製成「天書」使傳統技藝得以傳承。

為咗秉承傳統做法，王正綱更將以往工作中學到的管理經驗，結合澳門老師傅的煮法，再參考父親的手寫筆記，製作出一套「天書」予新一輩的師傅跟從學習及訓練，確保水平保持一致。

「同出面最大嘅唔同呢，係佢哋好要求跟足王老先生同埋王老太嗰一套去做。你可以話一成不變，但係喺食嚟講，你會食返以前嘅味道。」本身擁有西式包餅經驗逾30年的輝哥，年半前來到杏香園都需要從新學習這裡的技藝與流程。

糖水吃不飽肚，於數十年前的澳門，是有錢有閒的人才吃的高檔食物。

作為老店第二代傳人，王正綱希望能將這種廣東式的傳統糖水文化，推廣至新一代。「佢哋呢一代喺手機習慣用呢種推廣形式，我哋可以利用bluetooth以地區方式去推廣，一次性吸引未試我哋，或者未試過我哋呢種傳統中式糖水嘅客戶。」

廣東糖水不但好味，更要有益，每種材料都有養生功效，製作亦一絲不苟。

資料來源：蘋果日報